Astanada Respýblıka kúnine oraı múmkindigi shekteýli jandar arasynda «Showdown» ústel tennısinen I qalalyq chempıonat ótti. Qalalyq týrnırde arnaıy jattyǵýdan ótken 20-ǵa jýyq qatysýshy oıyn kórsetti, dep habarlaıdy Egemen.kz elordalyq ákimdiktiń resmı saıtyna silteme jasap.
Sporttyq is-sharanyń ashylý saltanatyna QR Parlamenti Májilisiniń depýtaty Maqpal Tájmaǵanbetova, Áziret Sultan meshitiniń bas ımamy Erbolat Nuryldauly, Dene múmkindigi shekteýli tulǵalarǵa arnalǵan sporttyq daıarlaý ortalyǵynyń orynbasary О́mirzaqov Ádilhan, «Kózimniń qarasy» múgedekter qoǵamdyq birlestiginiń tóraǵasy Júzbaı Serikuly qatysty.
Astana qalasynda birinshi ret ótkizilip jatqan jarys, aldaǵy ýaqytta elimizdiń basqa da óńirlerinde ótkiziledi.
«Burynnan izdeniste júrip, shet memleketterden osyny qarap, zerttep Qazaqstanǵa qalaı ákelsem eken degen oı boldy. Bul chempıonat osy Astana qalasynda ótkizilgennen keıin, aldaǵy ýaqytta 13-shi Dúnıejúzilik zaǵıp jandar kúnine oraı respýblıkalyq týrnır ótkizemiz», dedi «Kózimniń qarasy» múgedekter qoǵamdyq birlestiginiń tóraǵasy Júzbaı Serikuly.
Sharanyń maqsaty - álemdik deńgeıdegi jarystarǵa qatysý úshin otandyq qurama komanda jasaqtaý.
Al, mamandardyń aıtýynsha, Kanada, Germanııa, Bolgarııa sııaqty shet memleketterde jaqsy damyǵan bul sport túri kóz janarynan aıyrylǵan zaǵıp jandardyń densaýlyǵyna paıdaly. Iаǵnı, estý qabiletimen, qol men aıaq qozǵalysy qyzmetiniń jumysyn arttyrady.
Respýblıka kúnine oraı uıymdastyrylǵan chempıonattyń jeńimpazdary arnaıy dıplomdarmen, medaldarmen, syılyqtarmen marapattaldy. Sonymen qatar barsha qatysýshylarǵa demeýshiler tarapynan aqshalaı qarajat tabystaldy.